Ika-2 ng Mayo, 2024 naganap ang ika-isang daan at tatlumpu na sesyon sa gusaling pampamahalaan kung saan inihayag ni Majority Floor Leader Councilor Ernesto "Jong" Isip Jr. ang iba't ibang serye ng resolusyon kabilang ang Contract of Affiliation sa pagitan ng Saint Paul University para sa pagsasanay ng kanilang nursing students at University of Perpetual Help System Dalta para sa pagsasanay ng kanilang radiologic technology sa Ospital ng Maynila Medical Center, Memorandum of Agreement sa pagitan ng La Consolacion College para sa isang Work Immersion Partnership, Deed of Donation & Acceptance para sa donasyong mobile laboratory handog ng Bloomberry Cultural Foundation Inc. at Bloomberry Resorts and Hotel Inc, Memorandum of Agreement sa pagitan ng Construction Manpower Development Foundation para sa pagsasanay ng ating mga foreman sa Department of Engineering and Public Works, Memorandum of Agreement sa pagitan ng DOH-MMCHD para sa health emergency allowance sa public at private healthcare at non-healthcare workers, Memorandum of Agreement muli sa pagitan ng DOH-MMCHD at Philippine Health Insurance Corporation para gawing integration site ng implementasyon ang ating lungsod kaugnay sa Universal Healthcare Act, pag-apruba ng draft ordinance para sa exemption ng amusement tax sa National Collegiate Athletic Association o NCAA sa naganap na 99th season ng volleyball tournament sa San Andres Sports Complex, at pag-apruba ng Zoning Board Resolution No. 11 ng Manila Board of Zoning Appeals para sa isang residential building na matatagpuan sa Sta. Ana, Manila.

Ika-30 ng Abril, 2024 naganap ang ika-isang daan at dalawampu't siyam na sesyon sa gusaling pampamahalaan kung saan inihayag at inakdahan ni Majority Floor Leader Councilor Ernesto "Jong" Isip, Jr. ang serye ng mga resolusyon kabilang ang Contract of Affiliation sa pagitan ng Lungsod ng Maynila at Pamantasang Lungsod ng Maynila para sa pagsasanay ng kanilang medical clerks sa Manila Health Department, pagpasok ng kontrata sa pagitan ng Lungsod ng Maynila at JEMCO Builders and Supply para sa konstruksyon ng perimeter fence ng Veterinary Inspection Board, Memorandum of Agreement naman sa pagitan ng Metro Manila Center for Health Development-Philippine Blood Center para sa kanilang operasyon sa Sta. Ana Hospital, kahilingan ambulansya ng Gat Andres Bonifacio Medical Center sa Department of Health Regional Director Dr. Rio Magpantay, Deed of Donation & Acceptance para sa donasyong mobile laboratory handog ng Bloomberry Cultural Foundation Inc. at Bloomberry Resorts and Hotel Inc. sa ilalim ng programa ni Unang Ginang Marie Louise "Liza" A. Marcos, pagpapatibay ng iba't ibang kontrata ukol sa work/purchase orders at supply/service contracts na napapaloob noong buwan ng Oktubre hanggang Disyembre 2023 at Enero hanggang Marso 2024, pag-apruba ng Local Health Board Resolution No. 003 kaugnay sa Universal Healthcare Act, Memorandum of Agreement sa pagitan ng Zamboanga Del Norte National High School para sa kasunduang work immersion, at Internship Agreement naman sa 45 na benepisyaryo ng Government Interniship Program sa ating siyudad.

Ika-25 ng Abril, 2024 naganap ang ika-isang daan at dalawampu't walong sesyon sa gusaling pampamahalaan kung saan dumalo at pormal na natanggap ang akreditasyon ng iba't ibang mga non-government organizations at people's organization. Nagpakuha rin ng larawan ang ilang mga estudyante sa ating mga magigiting na konsehal.

Ika-23 ng Abril, 2024 naganap ang ika-isang daan at dalawampu't pitong sesyon sa gusaling pampamahalaan kung saan inihayag ang serye ng mga resolusyon na inakdahan ni Councilor Ernesto "Jong" Isip, Jr. ukol sa Memorandum of Agreement sa pagita ng Lungsod ng Maynila at Department of Health-Metro Manila para sa implementasyon ng medical assistance sa mga indigent patients sa iba't ibang ospital kasama ang Ospital ng Tondo, Gat Andres Bonifacio Memorial Medical Center, at Ospital ng Maynila.

Ika-18 ng Abril, 2024 naganap ang ika-isang daan at dalawampu't anim na sesyon sa gusaling pampamahalaan kung saan tinalakay ang Memorandum of Understanding sa pagitan ng Lungsod ng Maynila at De La Salle University para sa establisyamento ng Manila-SDG Project, Memorandum of Agreement sa pagitan ng Lungsod ng Maynila at The University of the East para sa pagsasanay ng kanilang tourism management students, Pagpasok ng kontrata sa pagitan ng Lungsod ng Maynila at MRJR Construction and Trading para sa pagpapa-ayos ng Kamada Building sa Manila Boys Town Complex, Memorandum of Understanding muli sa pagitan ng iba't ibang ahensya at organisasyon para sa planong restoration ng Manila Post Office. Ang lahat ng mga resolusyong ito ay inakdahan ni Councilor Ernesto "Jong" Isip, Jr.

Ika-16 ng Abril, 2024 naganap ang ika-isang daan at dalawampu't limang sesyon sa gusaling pampamahalaan kung saan tinalakay sa Unang Pagbasa ang serye ng mga resolusyon inihain ni Councilor Numero "Uno" Lim ukol sa isyu ng mga unauthorized o "colorum" na mga ambulansya, pagpuri sa Department of Public Services-Manila at Parks Development Office sa rekognisyon at pagkilala ng Department of Environment and Natural Resources o DENR, at pagpuri sa Philippine Health Insurance Corporation para sa pagtaas ng Z-Benefit package para sa mga Breast Cancer patients.

Ika-11 ng Abril, 2024 naganap ang ika-isang daan at dalawampu't apat na sesyon sa gusaling pampamahalaan kung saan tinalakay sa Unang Pagbasa ang mga draft resolutions na inihain ni Councilor Numero "Uno" Lim ukol sa pagpapaalala sa publiko sa mga pekeng social media pages ng mga Local Government Officials sa lungsod ng Maynila at pagsubaybay sa regulasyon ng mga tindahang nagbebenta ng police uniforms at insignia.

Ika-26 ng Marso, 2024 naganap ang ika-isang daan at dalawampu't tatlong sesyon sa gusaling pampamahalaan kung saan tinalakay sa Unang Pagbasa ang D.R No. 8182 at D.R. No. 8183 na nagdedeklara sa ilang bahagi ng Brgy. 105 at Brgy. 107 Tondo, Manila bilang Calamity Area dahil sa naganap na sunog sa kanilang nasasakupan. Inakdahan nito ng lahat ng Konsehal sa Ika-unang Distrito at pinangunahan ang pagbasa ni Councilor Erick Ian "Banzai" Nieva.

Ika-21 ng Marso, 2024 naganap ang ika-isang daan at dalawampu't dalawang sesyon sa gusaling pampamahalaan kung saan naghain ng serye ng mga resolusyon si Councilor Numero "Uno" Lim ukol sa pagsuporta sa pananaliksik ng Department of Energy sa nuclear energy, pagpapasalamat sa Republic of Korea sa donasyong 750 metric tons na bigas, pagsasabatas ng Tatak Pinoy Act at Trabaho Para sa Bayan Act, pagsuporta sa pagkakaroon ng Health Maintenance Organization o HMO sa mga kawani ng gobyerno, paghihimok sa isasagawang planong pangkalusugan sa banta ng El Niño, at pagsuporta sa Durvalumab para sa pagpapagamot sa sakit ng Biliary Tract Cancer. Naghandog ng privilege speech si Councilor Joel "JTV" Villanueva ukol sa Animal Welfare Act na magsagawa ng mga legal o legislative measure para sa proteksyon ng ating mga alagang hayop.

Ika-19 ng Marso, 2024 naganap ang ika-isang daan at dalawampu't isang sesyon sa gusaling pampamahalaan kung saan tinalakay ang Contract of Affiliation sa pagitan ng Lungsod ng Maynila at National University para sa pagsasanay ng kanilang nursing students sa Ospital ng Maynila Medical Center. Pag-arpuba sa Resolution No. 001 series of 2023 ng Local Health Board ukol sa Special Health Fund ng Lungsod ng Maynila.