Ika-23 ng Mayo, 2024 naganap ang ika-isang daan at tatlumpu’t anim na sesyon sa gusaling pampamahalaan kung saan tinalakay ang Contract of Affiliation sa pagitan ng Lungsod ng Maynila at Philippine College of Health Sciences para sa pagsasanay ng kanilang mga medical technology students sa Ospital ng Maynila Medical Center. Contract of Affiliation muli sa Arellano University para sa pagsasanay ng kanilang nursing students sa Manila Health Department. Dumalo sa sesyon ang Greater Manila Region ng Integrated Bar of the Philippines na pinangungunahan ni Atty. Kriden Balgomera. Malugod na inihayag ni Atty. Balgomera na handa ang kanilang organisayon na maghandog ng libreng serbisyong legal para sa mga Manilenyo.
Sa tulong ni Majority Floor Leader Councilor Ernesto “Jong” Isip Jr., sinumite sa itinakdang komite para sa Unang Pagbasa ang iba’t ibang mga ordinansa’t resolusyon ukol sa mga paksa na napapaloob sa Appropriations, Environmental Protection, Ecological Preservation & Sanitation, Animal Welfare, Education, Youth Value Formation, Sports Development, Ways & Means, Transportation, at Barangay Affairs.
Iginunita ang taunang obserbasyon ng International Acquired Immuno Defeciency Syndrome (AIDS) candlelight memorial ngayong buwan ng Mayo na inakdahan ni Councilor Irma Alfonso-Juson. Pinalalakas naman ang kamalayan sa kampanyang road safety sa Lungsod ng Maynila kasabay sa obserbasyon din ng Land Transportation Safety Month na inakdahan ni Councilor Jesus “Taga” Fajardo, Jr. Inaprubahan na sa Ikalawang Pagbasa ang akreditasyon ng Manila 1 BASECO PODA District V Inc. bilang People’s Organization sa Lungsod ng Maynila na inakdahan ni Councilor Ricardo “Boy” Isip, Jr.
Inaprubahan ang annual barangay budget ng ilang mga barangay sa District 5. Ang mga Punong Barangay ay dumalo sa nasabing barangay budget hearing at pormal na nagpakuha ng litrato sa ating mga magigiting na konsehal. Kasunod ay ang resolusyon ukol sa Memorandum of Agreement sa pagitan ng Lungsod ng Maynila at Department of Health – Metro Manila Center for Health Development (DOH-MMCHD) para sa P20M pondong ihahandog sa Ospital ng Maynila Medical Center sa ilalim ng programang Medical Assistance to Indigent and Financially Incapacitated Patients (MAIFIP) kung saan pinangunahan ni Councilor Jaybee Hizon ang talakayan at naghayag ng suporta ang kaniyang mga kapwa konsehal sa Ikalimang Distrito.
Inihayag ni Councilor Terrence Alibarbar ang endorsement galing sa Department of Engineering and Public Works para sa isasagawang pipe laying sa Sampaloc, Manila. Nagpapahatid ng taos-pusong pakikidalamhati at pakikiramay ang buong konseho sa kanilang kasamahan sa Lokal na Pamahalaan na sila MDSW Dir. Ma. Asuncion “Re” Fugoso at 3rd District Councilor Pamela “Fa” Fugoso-Pascual dahil sa pagpanaw ng kanilang ina na si Rosalinda Garcia Fugoso. Inakdahan nito ni Councilor Timothy Oliver “Tol” Zarcal.
Panghuli, ninanais ng buong Konseho na usisain ang parking memorandum agreements sa Lungsod ng Maynila. Sa pangunguna ni Councilor Moises “Bobby” Lim, naghayag ang konsehal sa kaniyang sariling karanasan ukol rito. Magsasagawa ng committee hearing na papangunahan ng Committee on Ways & Means at Committee on Transportation.
