Ika-23 ng Mayo, 2024 naganap ang ika-isang daan at tatlumpu’t anim na sesyon sa gusaling pampamahalaan kung saan tinalakay ang Contract of Affiliation sa pagitan ng Lungsod ng Maynila at Philippine College of Health Sciences para sa pagsasanay ng kanilang mga medical technology students sa Ospital ng Maynila Medical Center. Contract of Affiliation muli sa Arellano University para sa pagsasanay ng kanilang nursing students sa Manila Health Department. Dumalo sa sesyon ang Greater Manila Region ng Integrated Bar of the Philippines na pinangungunahan ni Atty. Kriden Balgomera. Malugod na inihayag ni Atty. Balgomera na handa ang kanilang organisayon na maghandog ng libreng serbisyong legal para sa mga Manilenyo.