Ika-2 ng Mayo, 2024 naganap ang ika-isang daan at tatlumpu na sesyon sa gusaling pampamahalaan kung saan inihayag ni Majority Floor Leader Councilor Ernesto “Jong” Isip Jr. ang iba’t ibang serye ng resolusyon kabilang ang Contract of Affiliation sa pagitan ng Saint Paul University para sa pagsasanay ng kanilang nursing students at University of Perpetual Help System Dalta para sa pagsasanay ng kanilang radiologic technology sa Ospital ng Maynila Medical Center, Memorandum of Agreement sa pagitan ng La Consolacion College para sa isang Work Immersion Partnership, Deed of Donation & Acceptance para sa donasyong mobile laboratory handog ng Bloomberry Cultural Foundation Inc. at Bloomberry Resorts and Hotel Inc, Memorandum of Agreement sa pagitan ng Construction Manpower Development Foundation para sa pagsasanay ng ating mga foreman sa Department of Engineering and Public Works, Memorandum of Agreement sa pagitan ng DOH-MMCHD para sa health emergency allowance sa public at private healthcare at non-healthcare workers, Memorandum of Agreement muli sa pagitan ng DOH-MMCHD at Philippine Health Insurance Corporation para gawing integration site ng implementasyon ang ating lungsod kaugnay sa Universal Healthcare Act, pag-apruba ng draft ordinance para sa exemption ng amusement tax sa National Collegiate Athletic Association o NCAA sa naganap na 99th season ng volleyball tournament sa San Andres Sports Complex, at pag-apruba ng Zoning Board Resolution No. 11 ng Manila Board of Zoning Appeals para sa isang residential building na matatagpuan sa Sta. Ana, Manila.
Sa tulong din ni Majority Floor Leader Councilor Ernesto “Jong” Isip, Jr., sinumite sa itinakdang komite para sa Unang Pagbasa ang iba’t ibang mga ordinansa’t resolusyon ukol sa mga paksa na napapaloob sa Barangay Affairs, Health, at Laws.
Inaprubahan naman ang akreditasyon ng Barangay 818 Senior Citizens Association at Barangay 790 Senior Citizens Association bilang People’s Organization sa Lungsod ng Maynila na inakdahan ni Councilor Ricardo “Boy” Isip, Jr. Inaprubahan din ang annual barangay budget ng Brgy. 409 at 418 Sampaloc, Manila. Inakdahan ni Councilor Louisito “Doc Louie” Chua ang pagpapalakas ng kamalayan sa sakit na hypertension. Kasabay ng pagdiriwang ngayong buwan na Hypertension Awareness Month.
Tinalakay ang D.O. No. 8724 na inakdahan ni Minority Floor Leader Councilor Salvador Philip Lacuna na nagpapasara sa bahagi ng kalsada ng Roxas Blvd. (P. Burgos. Ave to Quirino Ave.) tuwing araw ng Linggo sa loob ng ika-5 ng umaga hanggang ika-9 ng umaga (5am-9am) para bigyan ng opurtunidad ang ating mga mamamayan na makapag-ehersisyo sa nasabing lugar. Ayon kay Councilor Lacuna, “Sa Maynila lang po sila makakatakbo o makakapag-excercise with the back drop of the world famous Manila Bay”. Agad naghayag ng taos-pusong pagsuporta ang buong konseho na nasasabik sa darating na launching.
Binigyang puri at pagkilala si Ambassador Dr. Francis Chua dahil sa kaniyang natatanging kontribusyon at donasyon na mga computer sets para sa Universidad de Manila. Kaugnay dito, naganap ang inagurasyon ng bagong State-of-the-Art Technology Wing sa nasabing pamantasan kung saan kasama sina Mayor Dra. Honey Lacuna-Pangan, Vice Mayor Yul Servo Nieto, at UDM Principal Ma. Felma Carlos-Tria. Inakdahan nito ni Councilor Terrence Alibarbar.
