Ika-19 ng Marso, 2024 naganap ang ika-isang daan at dalawampu’t isang sesyon sa gusaling pampamahalaan kung saan tinalakay ang Contract of Affiliation sa pagitan ng Lungsod ng Maynila at National University para sa pagsasanay ng kanilang nursing students sa Ospital ng Maynila Medical Center. Pag-arpuba sa Resolution No. 001 series of 2023 ng Local Health Board ukol sa Special Health Fund ng Lungsod ng Maynila.
Sa tulong ni Majority Floor Leader Councilor Ernesto “Jong” Isip, Jr., sinumite sa itinakdang komite para sa Unang Pagbasa ang iba’t ibang mga ordinansa’t resolusyon ukol sa mga paksa na napapaloob sa Transportation, Laws, Cooperatives, NGO’s & PO’s, Appropriations, Ways & Means, at Barangay Affairs.
Dumako sa Ikalawang Pagbasa ang sesyon na sinimulan sa isang draft ordinance ukol sa pagamyenda ng Section 2.A ng Ordinance No. 7755 para sa loading and unloading area ng San Lorenzo Damka Tricycle Operators and Drivers Association, Inc. na inakdahan ni Councilor Carlos “Caloy” Castañeda. Inaprubahan naman ang akreditasyon ng Manila Barangay Chairman Association of District 5 Inc. na inakdahan ni Councilor Ricardo “Boy” Isip, Jr. Inakdahan din ni Councilor Isip ang resolusyong direktibang papangunahan ng Committee on Oversight ang viral video na kumalat ukol sa isang estudyante sa Eulogio Amang Rodriguez Institute of Science and Technology.
Pinagkaisa naman ang mga gawang resolusyong nila Councilor Jaybee Hizon, Councilor Johann Maureen “Apple” Nieto-Rodriguez, Councilor Pamela “Fa” Fugoso-Pascula, Councilor Arlene Maile Atienza, at Councilor Timothy “Tol” Zarcal ukol sa pagbawas ng paggamit ng kahit na anong uri ng platic products ng mga business establishments at household sa darating na Earth Hour ika-23 ng Marso, 2024.
Idineklara naman bilang Calamity Area ang Barangay 112 Tondo, Manila dahil sa sakuna dulot ng sunog na naka-apekto sa 94 na pamilya na inakdahan ng lahat ng konsehal sa Ika-unang Distrito. Panghuli, sa resolusyong inakdahan nila Councilor Louisa Marie “Lady” Quintos-Tan at Councilor Ernesto “Jong” Isip, Jr., magkakaroon ng moratorium para sa koleksyon ng amusement tax sa lahat ng Pelikulang Pilipino. Alinsunod ito sa MMDA Resolution 24-11 na sumusuporta sa pagtaguyod ng local film industry sa ating bansa.
