Ika-14 ng Marso, 2024 naganap ang ika-isang daan at dalawampung sesyon sa gusaling pampamahalaan kung saan dumalo ang iba’t ibang Cooperatives, Non-Government Organizations, at People’s Organizations upang matanggap nila ng personal ang kanilang akreditasyon. Gayundin si Justice Jose Abad Santos General Hospital Dir. Dra. Merle Sacdalan para ianunsyo ang proyektong “Manila Hears, Mayora Listens” kung saan ang layuning mabigyan ng angkop na tulong medikal sa pandinig ang lahat ng Manilenyong nangangailangan nito.
Sa tulong ni Majority Floor Leader Councilor Ernesto “Jong” Isip, Jr., sinumite sa itinakdang komite para sa Unang Pagbasa ang iba’t ibang mga ordinansa’t resolusyon ukol sa mga paksa na napapaloob sa Transportation, Laws, Cooperatives, NGO’s & PO’s, Appropriations, Engineering & Public Works, at Tourism, Arts & Culture.
Hinihikayat ang lahat ng eligible voters sa Lungsod ng Maynila na magparehistro sa Commission on Elections o COMELEC upang gampanan ang tungkuling makaboto para palakasin ang demokrasya sa ating bansa. Naghahayag ang buong Sangguniang Panlungsod ng lubos na pakikidalamhati sa pagpanaw ni Mary Jane Santa Ana Guck o mas kilala bilang Jaclyn Jose. Ang mga resolusyong ito ay inihain ni Councilor Luciano “Lou” Veloso.
Nag-akda ng serye ng mga resolusyon si Councilor Ernesto “Jong” Isip, Jr. ukol sa Memorandum of Agreement sa pagitan ng Lungsod ng Maynila at De La Salle University-College of St. Benilde para sa internship program ng kanilang mga estudyante. Contract of Affiliation naman sa pagitan ng Lungsod ng Maynila, Lyceum of the Philippines University-Batangas, Inc. at Manila Adventist College para sa pagsasanay ng kanilang medical technology students sa Sta. Ana Hospital. Inaprubahan ang akreditasyon ng Celebrity Riders Club Inc. bilang Non-Government Organization sa Lungsod ng Maynila. Inakdahan nito ni Councilor Ricardo “Boy” Isip, Jr.
Naghandog ng privilege speech si Councilor Joel “JTV” Villanueva ukol sa kumakalat na viral video ng isang estudyante sa Eulogio Amang Rodriguez Institute of Science and Technology. Ayon kay Councilor Villanueva, nararapat gawan ng imbestigasyon ang nasabing video upang malaman kung ito ay lumabag sa kaniyang ipinasang ordinansa – Ordinance No. 8695 o “Manila LGBTQI Protection Ordinance of 2020. Prohibits and punishes as acts of discrimination the denial of admission, expulsion, or prevention of a student from graduating based on actual or perceived SOGIE”. Papangunahan ang imbestigasyon ng Committee on Oversight.
Idineklara bilang Holy Mother ng Paco, Manila ang kanilang patron na si Nuestra Señora de Peñafrancia na pinangunahan nila Councilor Ricardo “Boy” Isip Jr., Councilor Raymundo “Mon” Yupangco, Councilor Charry Ortega, Councilor Jaybbe Hizon, Councilor Roberto “Bobby” Espiritu II, at Councilor Juliana Rae “Yanyan” Ibay.
Binigyang pagkilala ang ating butihing alkalde Mayor Dra. Honey Lacuna-Pangan dahil kasama sa Top 10 Filipinas with Global Impact ng Daily Inquirer, USA. Inakdahan ito ni Councilor Don Juan “DJ” Bagatsing. Inakadahan din ni Councilor Bagatsing ang resolusyong nagbibigay puri sa lahat ng lumahok na merchants, entrepreneurs, at private sectors sa nakaraang Food Fair noong Chinese New Year 2024.
Hinihikayat naman ni Councilor Pamela “Fa” Fugoso-Pascual ang Pamantasang Lungsod ng Maynila o PLM na makamit ang 85% Manila student population sa kanilang paaralan sa darating na pasukan. Panghuli, ayon sa Universal Healthcare Act, susunod ang Manila Health Department sa pagsasa-ayos ng organizational structure ng kanilang ahensya.
