Ika-29 ng Pebrero, 2024 naganap ang ika-isang daan at ikalabing anim na sesyon sa gusaling pampamahalaan kung saan inaprubahan ang Resolution No. 04 series of 2023 ng Manila Peace and Order Council. Kasunod ay ang serye ng mga resolusyon ukol sa Memorandum of Agreement sa pagitan ng Lungsod ng Maynila at Department of Health – Metro Manila Center for Health Development (DOH-MMCHD) para sa implementasyon ng medical assistance sa mga indigent at financially incapacitated patients sa iba’t ibang ospital kasama ang Justice Jose Abad Santos General Hospital, Ospital ng Sampaloc, at Sta. Ana Hospital.
Sa tulong ni Acting Majority Floor Leader Councilor Jaybee Hizon, sinumite sa itinakdang komite para sa Unang Pagbasa ang iba’t ibang mga ordinansa’t resolusyon ukol sa mga paksa na napapaloob sa Amusement, Games & Entertainment, Environmental Protection, Laws, Transportation, at Cooperatives, NGO’s & PO’s.
Inaprubahan ang akreditasyon ng United Architects of the Philippines Inc., Regional District B1 na inakdahan ni Councilor Ricardo “Boy” Isip, Jr. at ang Spiritual Filipino Church Catholic na inakdahan ni Councilor Rodolfo “Ninong” Lacsamana bilang Non Government Organization sa Lungsod ng Maynila.
Tinalakay naman ang pagsang-ayon ng buong Sangguniang Panlungsod sa pagkakatalaga ni John Arnold Caray at Rita Riddle bilang mga bagong miyembro ng Board of Regents sa Universidad de Manila.
Inaprubahan naman ang annual barangay budget ng Brgy. 570 at Brgy. 572 Zone 56 Sampaloc, Manila. Sa usaping barangay budget, nagpasa ng sulat si City Budget Director Atty. Mary Grace Chua para sa alokasyon ng pondo ng Brgy. 252 Tondo, Manila na pagagamitan sa power supply systems, installation of street lights, information technology equipments, at installation of CCTV cameras.
Nag-akda naman ng resolusyon si Councilor Luciano “Lou” Veloso na nagaangkop ng committee report ng Committee on Arts & Culture, Committee on Environmental Protection, at Ecological Preservation & Sanitation tungkol sa environmental at socio cultural impact ng Suntrust Ascentia Condominium project sa Sta. Ana, Manila
