Ika-5 ng Pebrero, 2024 naganap ang ika-isang daan at ika siyam na sesyon sa gusaling pampamahalaan kung saan naghayag ng pagbati ang buong Sangguniang Panlungsod sa Building Youth Empowerment Tondo (B.Y.E. Tondo) para sa kanilang nakamit bilang isa sa 2023’s Outstanding YORP-Registered Organization in the Philippines ng National Youth Commission. Inakdahan ito ni Councilor Niño Dela Cruz. Dumalo at nanuod ang nasabiong organisasyon at nagpakuha ng larawan sa ating mga magigiting na konsehal.
Sa tulong ni Majority Floor Leader Councilor Ernesto “Jong” Isip, Jr., sinumite sa itinakdang komite para sa Unang Pagbasa ang iba’t ibang mga ordinansa’t resolusyon ukol sa mga paksa na napapaloob sa Housing, Land, Urban Planning Development & Resettlement, Ways & Means, Barangay Affairs, Trade & Industry, Laws, at Environmental Protection, Ecological Preservation & Sanitation.
Inihain sa hapag ang mga draft resolutions na inakdahan ni Councilor Numero “Uno” Lim. Una, resolusyong nagugunita at nagpupugay sa kasaysayan ng Battle for Manila sa pamamagitan ng seremonyang ika-79 na anibersaryo na idinaos sa Plazuela de Santa Isabel Intramuros, Manila ika-3 ng Pebrero, 2024. Pangalawa, resolusyong kinikilala ang pagsuporta ng ating lungsod sa Italian Culture Festival na gaganapin sa Tondo, Manila.
Internship Agreement sa pagitan ng Lungsod ng Maynila at 100 Government Internship Program beneficiaries na magtatrabaho sa loob ng buwan ng Enero hanggang buwan ng Mayo 2024. Memorandum of Understanding naman sa pagitan muli ng Lungsod ng Maynila at De La Salle University para sa patuloy na pagiging katuwang sa mga development programs, technologies, at innovations tungo sa layuning sustainable development sa ating siyudad. Inakdahan ang mga ito ni Councilor Ernesto “Jong” Isip, Jr.
Pinaiigting ang mga tanggapan ng Department of Public Service (DPS) at Metro Manila Development Authority (MMDA) sa kanilang kampanyang Anti-Smoke Belching Drive para labanan ang lumalalang polusyon sa Lungsod ng Maynila. Inakdahan ito ni Councilor Luciano “Lou” Veloso.
